అట్టహాసంగా ప్రారంభమైన ఎస్ జి ఎఫ్ ఐ నియోజకవర్గ స్థాయి ఆటల పోటీలు

మార్కాపురం: స్థానిక బాలుర ఉన్నత పాఠశాల నందు మంగళవారం ఎస్ జి ఎఫ్ ఐ నియోజకవర్గ స్థాయి ఆటల పోటీలు, సెలక్షన్స్ అట్టహాసంగా ప్రారంభమయ్యాయి. కార్యక్రమంలో అతిధులుగా మండల విద్యాశాఖ అధికారులు రాందాస్ నాయక్, శ్రీనివాసులు, పాఠశాల ఇంచార్జ్ ప్రధాన ఉపాధ్యాయులు వెంకటేశ్వర్లు, నియోజకవర్గ ఎస్జీఎఫ్ఐ సమన్వయకర్త ఎం జాహ్నవి ప్రియ పాల్గొన్నారు. కార్యక్రమంలో ముఖ్య అతిథులుగా మార్కాపురం నియోజకవర్గ ఎమ్మెల్యే కందుల నారాయణరెడ్డి పాల్గొని కార్యక్రమాన్ని ప్రారంభించారు. కందుల నారాయణరెడ్డి మాట్లాడుతూ క్రీడలు విద్యార్థులకు మానసిక శారీరక వికాసానికి ఎంతగానో తోడ్పడతాయని పేర్కొన్నారు. క్రీడలలో పాల్గొనడం వలన సమాజంలో ఇతరులతో పెద్దలతో ఎలా మెలగాలో సమాజం పట్ల ఎలా నడుచుకోవాలో వివిధ వ్యక్తులతో ఎలా ప్రవర్తించాలో అన్ని విధాలుగా పరిపూర్ణ వ్యక్తిత్వం గల వ్యక్తిగా అభివృద్ధి చెందగలరు. మొదటి రోజైన మంగళవారం నియోజకవర్గ పరిధిలోని నాలుగు మండలాల నుంచి దాదాపుగా 500 మంది విద్యార్థి విద్యార్థిను పాల్గొన్నారు. మొదటిరోజు విద్యార్థిని విద్యార్థులకు అండర్ 14, అండర్ 17 వయస్సు గల విద్యార్థిని విద్యార్థులకు అథ్లెటిక్స్, బ్యాట్మెంటన్, యోగ, చెస్ నందు పోటీలు నిర్వహించి విజేతలను ప్రకటించి వారిని జిల్లా స్థాయికి పంపించడం జరుగుతుందని నియోజకవర్గం ఎస్జీఎఫ్ఐ కార్యదర్శి జాహ్నవి ప్రియ తెలియజేశారు. 
స్థానిక జిల్లా పరిషత్ ఉన్నత బాలుర పాఠశాల నుంచి అథ్లెటిక్స్ ఐజ నందు అండర్ 17 విభాగంలో ద్వితీయ బహుమతి అభి 9వ తరగతి, 100 మీటర్ల పరుగు పందెం నందు అండర్ 14 విభాగంలో వి మహేష్ మొదటి బహుమతి, అండర్ 14 విభాగంలో 100 ఇంటూ 4 విభాగంలో మొదటి బహుమతి, అండర్ 17 చెస్ నందు ఎస్ కౌశిక్ ద్వితీయ బహుమతి పొందారు.