ఒంగోల్ కమర్షియల్ ట్యాక్స్ ఆఫీసులో డిప్యూటీ అసిస్టెంట్ కమిషనర్, కేఎస్ శ్రీనివాస ప్రసాద్,  లక్ష 50 వేల రూపాయలు లంచం తీసుకుంటూ ఒంగోలు ఏసీబీ అధికారులకు పట్టుబడ్డారు .ఒంగోల్ కమర్షియల్ ట్యాక్స్ ఆఫీసులో డిప్యూటీ అసిస్టెంట్ కమిషనర్, కేఎస్ శ్రీనివాస ప్రసాద్ పనిచేస్తున్నారు. ఫిర్యాది సిహెచ్ శ్రీధర్ ట్రేడ్ కంపెనీకి నోటీసు ఇచ్చి దానిపై ఫిర్యాదికి పెన్నాలిటీ వేసినందున ఆ పెనాల్టీ లేకుండా చేయుటకు డిప్యూటీ అసిస్టెంట్ కమిషనర్  లక్ష యాభై వేలు రూపాయలు లంచం డిమాండ్ చేసి సదరు లంచం  తీసుకుంటుండగా ఒంగోలు ఎసిబి డిఎస్పి రెడ్ హ్యాండుగా పట్టుకొని అతని వద్ద నుండి లక్ష యాభై వేలు రూపాయలు లంచం డబ్బులు రికవరీ చేసినారు. ఏసీబీ డీఎస్పీ పి రామచంద్ర రావు,  ఇన్స్పెక్టర్  శేషు,  ఎస్ఐ లు జే.బీ.ఎన్ ప్రసాద్, షేక్.మస్తాన్ షరీఫ్ మరియు సిబ్బంది పాల్గొన్నారు.

ప్రకాశం జిల్లా: జిల్లా లోని దోర్నాల మండలం కొత్తూరు వద్ద సోమవారం ఘోర రోడ్డు ప్రమాదం జరిగింది. లారీ,ద్విచక్ర వాహనాన్ని ఢీకొన్న  ప్రమాదంలో మహిళ తో సహా చిన్నారి మృతి చెందింది. ప్రమాద దృశ్యాలు భీతవహంగా ఉన్నాయి. పోలీసులు కేసు నమోదు చేసుకుని దర్యాప్తు చేస్తున్నారు.

ప్రకాశం జిల్లా: ప్రతిపక్ష వైయస్సార్ కాంగ్రెసు పార్టీ కి  చెందిన యర్రగొండపాలెం  శాసనసభ్యులు తాటిపర్తి చంద్రశేఖర్ పై యర్రగొండపాలెం పోలీసులు నాలుగు కేసులు నమోదు చేశారు. యర్రగొండపాలెం లో ఎమ్మెల్యే తాటిపర్తి చంద్రశేఖర్  నివాసానికి వెళ్లిన పోలీసులు కేసు నమోదు చేసినట్లు చెప్పి, సంతకాలు తీసుకున్నారు.మంత్రి లోకేష్ పై Xలో పెట్టిన పోస్ట్ పై ఒక కేసు,అసెంబ్లీ ఎన్నికల సమయంలో నమోదు అయిన కేసులకు సంబంధించి మూడు కేసులు నమోదు చేసి యర్రగొండపాలెం లోని ఎమ్మెల్యే  తాటిపర్తి చంద్రశేఖర్ కి  నాలుగు కేసులకు సంబంధించి నాలుగు 41 సీఆర్పీసి నోటీసులు అందజేశామని యర్రగొండపాలెం ఎస్సై చౌడయ్య తెలిపారు.

త్రిపురాంతకం: ప్రకాశం జిల్లా త్రిపురాంతకం మండలం లోని కేశినేనిపల్లి వద్ద జాతీయ రహదారిపై తెల్లవారుజామున రోడ్డు ప్రమాదం చోటుచేసుకుంది.విజయవాడ నుంచి కర్నూల్ వెళుతున్న ఆర్టీసీ బస్సు -  టిప్పర్ ఢీకొన్నాయి.ఈ ప్రమాదంలో బస్ డ్రైవర్ అక్కడికక్కడే మృతి చెందారు. మరో ఐదుగురికి గాయాలు అయ్యాయి. విషయం తెలుసుకున్న పోలీసులు సంఘటనా స్థలానికి చేరుకుని వివరాలు సేకరించారు. కేసు నమోదు చేసుకుని దర్యాప్తు చేస్తున్నారు.

మార్కాపురం: తర్లుపాడు మండలం తుమ్మల చెరువు గ్రామ సర్పంచ్ షాజహాన్  భర్త, షేక్ రసూల్ ఇటీవల కాలంలో అనారోగ్యంతో బాధపడుతు మరణించాడు. షాజహాన్ ని మరియు వారి కుటుంబ సభ్యులు గిద్దలూరు మాజి శాసనసభ్యులు, మార్కాపురం నియోజకవర్గ వైసీపీ సమన్వయకర్త అన్నా రాంబాబు ఆదివారం పరామర్శించి, ధైర్యంగా ఉండాలని చెప్పారు. పరామర్శించిన వారిలో సుబ్బారెడ్డి తదితర నాయకులు ఉన్నారు.

ఒంగోలు:  ఐక్యత మా బలం, సామాజిక సేవ మా అభిమతని, సమాజంలో పేద, బడుగు, బలహీన వర్గాలు, అనాధలు, అభాగ్యులు, అవసరార్థులకు ఫామిలి క్లబ్ ద్వారా సేవలను కొనసాగిస్తున్నామని... గత మూడు సంవత్సరాలకు పైగా ప్రతి నెల సామాజిక సేవతో పాటుగా గో సేవ కూడా చేస్తున్నామని ఫ్యామిలీ క్లబ్ అధ్యక్షులు పొట్టి వీర రాఘవరావు తెలిపారు. 38వ మాసం తమ నిరంతర సేవా కార్యక్రమంల్లో భాగంగా ఆదివారం ఉదయం ఫామిలీ క్లబ్ సభ్యులతో కలసి స్థానిక క్లౌపేటలోని గుడ్ న్యూస్ మినిస్ట్రీస్ అంధుల పాఠశాలలోని విద్యార్థులకు అల్పాహారం, బ్రెయిలీ విద్య నేర్చుకొనుటకు బ్రెయిలీ స్లేట్స్ సామాగ్రి మరియు నెలకు సరిపడా నిత్యవసర సరుకులను అంధ పాఠశాల నిర్వాహకులకు అందించారు. ఈ సందర్భంగా అధ్యక్షులు పొట్టి వీర రాఘవరావు మాట్లాడుతూ విద్యార్థులకు సరియైన సమయానికి మంచి ఆహారం అందించినప్పుడు వారిలో విద్యని అభ్యసించాలనే జిజ్ఞాస పెరుగుతుందని కావున పాఠశాలలోని విద్యార్థులకు సమయానికి మంచి పౌష్ఠికాహారాన్ని అందిస్తూ ఉండాలని నిర్వాహకులను కోరారు. కార్యక్రమంలో ఫ్యామిలీ క్లబ్ అధ్యక్షులు పొట్టి వీర రాఘవరావు, తాళ్లూరు శ్రీనివాసరావు, కే చంద్రమౌళి, టీ వెంకటేశ్వర్లు, టీ పాండురంగారావు, బైసాని శ్రీనివాసరావు, పి విజయ కృష్ణ, కెవీ సురేష్, టీవీ సత్యనారాయణ (బాబు),ఋటి సురేష్, సొల్లేటి రాము, గుడ్ న్యూస్ మినిస్ట్రీస్ సేవకులు స్వర్ణ మోహన్ రావు, ఫ్యామిలీ క్లబ్ మిత్ర బృందం ‌పాల్గొన్నారు.

ఒంగోలు: నగరం లోని ఎకెవికె కళాశాల లో ఆదివారం ఉదయం 9 గం ల నుండి మధ్యాహ్నం 12.30 గంటల వరకు  నేచర్ సేవా ఫౌండేషన్ వారి ఆధ్వర్యంలో ఆర్ట్ అండ్ క్రాఫ్ట్ ఫెస్ట్ 2024 నిర్వహించారు. కార్యక్రమంలో భాగంగా డ్రాయింగ్, పెయింటింగ్ కాంపిటీషన్ అలాగే క్లాసికల్ డ్యాన్స్,క్రాఫ్ట్ వర్క్ షాప్ లు నిర్వహించారు.  డ్రాయింగ్ కాంపిటీషన్ లో అన్ని ప్రభుత్వ, ప్రయివేటు స్కూల్,కాలేజీ నుండి 221 మంది, క్లాసికల్ డ్యాన్స్ కు 25 మంది, క్రాఫ్ట్ 32 మంది , పబ్లిక్ స్పీకింగ్ కాంటెస్ట్ కు 15 మంది , పేరెంట్స్ 183 మంది ఇతరులు 45 మంది పాల్గొన్నారు. ఈ కార్యక్రమంలో నేచర్ సేవా ఫౌండేషన్ ఫౌండర్ & అధ్యక్షులు దరిమడుగు రాజశేఖర్, ప్రకాశం జిల్లా కమిటీ సభ్యులు సురేష్, ఎకెవికె డిగ్రీ కళాశాల ప్రిన్సిపాల్ కోలగట్ల వెంకటేశ్వర రెడ్డి , పెయింటింగ్ & డ్రాయింగ్ కాంపిటీషన్ కు ఎగ్జామినర్ గా తిమ్మిరి రవీంద్ర ,క్రాఫ్ట్ ఎగ్జామినర్ గా ఫ్రిడం బర్డ్స్ స్కూల్  కరెస్పాండెట్ మాల్యాద్రి నాయుడు , జూనియర్ ఛాంబర్ ఇంటర్నేషనల్  ప్రతినిధి కసిబిసి నాగేశ్వరావు, డా.జి. రవి, రోటరీ క్లబ్ ప్రెసిడెంట్ తన్నీరు సురేష్ , సమరసత సేవా ఫౌండేషన్ ఒంగోలు కన్వీనర్ ఉప్పుటూరి వెంకట్, ఎస్డీఎస్ అకాడమీ ఆఫ్ స్పోర్ట్స్ అండ్ డాన్స్ డైరెక్టర్  సురేష్ తదితరులు పాల్గొన్నారు.

మార్కాపురం:  పట్టణం లో పేకాట ఆడుతున్న ఐదుగురిని అరెస్టు చేసినట్లు పట్టణ ఎస్సై సైదు బాబు తెలిపారు.వారి దగ్గరి నుంచి 62 వేల 790 రూపాయలు, నాలుగు సెల్‌ఫోన్‌లను స్వాధీనం చేసుకున్నట్లు ఎస్సై సైదు బాబు తెలిపారు. పేకాట ఆడుతున్న వారిపై కేసు నమోదు చేసినట్లు ఎస్సై తెలిపారు.

అగ్ని న్యూస్,కొమరోలు : పట్టణంలోని ఇస్లాంపేట లో అక్రమంగా నిలువ ఉంచిన 53 కేజీల, 25 బస్తాల రేషన్ బియ్యాన్ని ఎన్ఫోర్స్మెంట్ డిప్యూటీ తహసీల్దార్ యాగటీల స్వాతి  పట్టుకున్నారు. ఓ ఇంట్లో అక్రమంగా రేషన్ బియ్యాన్ని నిల్వ ఉంచారన్న సమాచారంతో రేషన్ బియ్యాన్ని స్వాధీనం చేసుకొని సీజ్ చేసి, గిద్దలూరు గోడౌన్ కి తరలించారు. ఈ సందర్బంగా ఆమె మాట్లాడుతూ అక్రమంగా రేషన్ బియ్యం నిల్వ ఉంచిన వారిపై చర్యలు తీసుకుంటామని  తెలిపారు.ఈ కార్యక్రమం లో వి ఆర్ ఓ పాండు,వి ఆర్ ఏ లు పాల్గొన్నారు.

మార్కాపురం: మార్కాపురం ఎమ్మెల్యే కందుల నారాయణరెడ్డి  పుట్టిన రోజు సందర్భంగా ఆదివారం పట్టణంలోని జవహర్ నగర్ కాలనీ లో ఉన్న స్పూర్తి మానసిక వికలాంగుల కేంద్రం లో విద్యార్ధులకు అన్నదానం నిర్వహించారు. ముందుగా కేక్ కట్ చేసి జన్మదిన శుభాకాంక్షలు తెలిపారు. అనంతరం మానసిక వికలాంగుల కు పసందైన మాంసాహారం భోజనం ఏర్పాటు చేశారు. స్థానిక 33 వ వార్డు కౌన్సిలర్ నాలి కొండయ్య యాదవ్ నేతృత్వంలో ఈ కార్యక్రమం నిర్వహించారు. కార్యక్రమంలో ఎమ్మెల్యే తండ్రి పెద్ద నారాయణరెడ్డి ముఖ్య అతిథిగా పాల్గొన్నారు. ఈ సందర్భంగా ఆయన మాట్లాడుతూ నా కుమారుడు, ఎమ్మెల్యే కందుల నారాయణరెడ్డి పుట్టిన రోజు సందర్భంగా, కౌన్సిలర్ నాలి కొండయ్య మంచి కార్యక్రమం ఏర్పాటు చేయడం చాలా సంతోషంగా ఉందని అన్నారు.  విలేకరుల కు చెక్ అందచేత.. ఎమ్మెల్యే కందుల నారాయణరెడ్డి పుట్టిన రోజు సందర్భంగా, కౌన్సిలర్ నాలి కొండయ్య యాదవ్,25 వేల రూపాయల చెక్ ను ప్రెస్ క్లబ్ ప్రతినిధులకు అందచేశారు. విలేకరుల కు యాక్సిడెంట్స్ ఇన్స్యూరెన్స్ కోసం వీటిని అందచేశారు. విలేకరుల సౌలభ్యం కోసం స్వంత నిధులు 25 వేలు వితరణ చేయడం పట్ల పార్టీ నాయకులు,నాలి కొండయ్య యాదవ్ ను అభినందించారు. కార్యక్రమంలో నాయకులు తాళ్ళపల్లి సత్యనారాయణ, కనిగిరి బాల వెంకట రమణ, మొద్దు వెంకటరెడ్డి, డాక్టర్ మౌలాలి, ఖాన్, ఇబ్రహీం, వెంకటరెడ్డి, యోగి రెడ్డి, ప్రెస్ క్లబ్ అధ్యక్షుడు మోహన్ రెడ్డి, గౌరవాధ్యక్షుడు రామకృష్ణ, సీనియర్ రిపోర్టర్ అల్లూరి రెడ్డి, ప్రెస్ క్లబ్ ప్రతినిధులకు నారాయణరెడ్డి,ఓబయ్య, శేఖర్, కేంద్రం నిర్వాహకులు తదితరులు పాల్గొన్నారు.

మార్కాపురం: పట్టణం లోని శ్రీ శ్రీనివాస కళ్యాణమండపం నందు దొండేటి వెంకటేశ్వరరెడ్డి(DVR), ఆదిలక్ష్మి ల కుమారుడు వివాహానికి మార్కాపురం నియోజకవర్గ వైఎస్ఆర్ కాంగ్రెస్ పార్టీ ఇన్చార్జి అన్నా రాంబాబు హాజరయ్యారు. నూతన వధూవరులు మహేశ్వర రెడ్డి, జ్యోష్ణా దేవి లను ఆశీర్వదించారు.అన్నా రాంబాబు వెంట కుందురు చిన్న కొండారెడ్డి , జడ్పీటీసీ నారు బాపన రెడ్డి,తర్లపాడు మండల నాయకులు సూరెడ్డి సుబ్బారెడ్డి, మార్కాపురం నాయకులు సుబ్బారెడ్డి, తదితరులు ఉన్నారు.

ఒంగోలు: ప్రకాశం జిల్లా వైయస్‌ఆర్‌సీపీ  నాయకులు, మాజీ రాష్ట్ర ముస్లిం మైనార్టీ ఫైనాన్స్ కార్పొరేషన్ చైర్మన్, ఏ 1 గ్లోబల్ ఇంజనీరింగ్ కళాశాల చైర్మన్ డాక్టర్ మీర్జా షంషీర్ అలీ బేగ్  ఆదివారం ప్రకాశం జిల్లా ఎస్పీ ఏఆర్ దామోదర్ ను ఒంగోలు  జిల్లా పోలీస్ కార్యాలయంలో మర్యాద పూర్వకంగా  కలిశారు. పుష్పగుచ్చం అందచేసి సత్కరించారు. అనంతరం జిల్లాలో నెలకొన్న పలు అంశాలపై చర్చించారు.