అగ్ని న్యూస్, మార్కాపురం
మార్కాపురం కేంద్రంగా ప్రకాశం జిల్లాలో సంచలన కథనాలతో ప్రజలకు సమగ్ర సమాచారం అందిస్తున్న అగ్ని న్యూస్ 2025 క్యాలెండర్ ఆవిష్కరణ కార్యక్రమం మంగళవారం రాత్రి అట్టహాసంగా జరిగింది. తన స్వగృహంలో క్యాలెండర్ ఆవిష్కరించిన ఎమ్మెల్యే కందుల నారాయణరెడ్డి మాట్లాడుతూ నిజాయితీకి నిలువుటద్దంగా అగ్ని కథనాలు ఉంటాయని వ్యాఖ్యానించారు. భవిష్యత్తులో పత్రిక మరింత అభివృద్ధి చెందాలని ఆకాంక్షించారు. ఈ కార్యక్రమంలో మండల పార్టీ అధ్యక్షుడు జవ్వాజి రామాంజుల రెడ్డి, చక్క మధు,బీజేపీ నియోజకవర్గ ఇన్చార్జి పివి కృష్ణారావు, ఎస్జీఐటి రామాంజిరెడ్డి, పలువురు టీడీపీ నాయకులు పాల్గొన్నారు.
మాజీ ఎమ్మెల్యే, వైఎస్ఆర్సిపి మార్కాపురం నియోజకవర్గ ఇన్చార్జి అన్నా రాంబాబు, జవహర్ నగర్ లోని ఆయన స్వగృహంలో అగ్ని న్యూస్ క్యాలెండర్ ఆవిష్కరణ చేశారు.అనంతరం ఆయన మాట్లాడుతూ రాగద్వేషాలకు అతీతంగా అగ్ని కథనాలు ఇస్తూ ప్రజలకు చేరువైందని పేర్కొన్నారు. మున్ముందు కూడా ప్రజల పక్షాన అగ్ని నిలవాలని ఆయన అభిలషించారు. ఈ కార్యక్రమంలో మర్రిపూడి ఎంపీపీ వాకా వెంకటరెడ్డి, పొదిలి వైకాపా నాయకులు సంజీవరెడ్డి, మార్కాపురం నాయకులు బొగ్గు సుబ్బారెడ్డి, కౌన్సిలర్ ముంగమూరు శ్రీనివాస్, పత్తి కృష్ణ,మలిపెద్ది కేశవ, తదితరులు పాల్గొన్నారు.
అగ్ని పత్రిక నిరంతరం ప్రజా సమస్యలపై పోరాడుతూ ప్రజలకు చేరువైందని, జనసేన మార్కాపురం నియోజకవర్గ ఇన్చార్జి ఇమ్మడి కాశీనాథ్ వ్యాఖ్యానించారు. మంగళవారం రాత్రి పార్టీ కార్యాలయంలో ఆయన అగ్ని న్యూస్ క్యాలెండర్ను ఆవిష్కరించారు ఈ కార్యక్రమంలో జనసేన నాయకులు శిరిగిరి శ్రీనివాస్, నరసింహారావు,బొందిలి కాశీరాం సింగ్,లాయర్ రవీంద్ర తదితరులు పాల్గొన్నారు.
అగ్ని పత్రిక వాస్తవానికి దగ్గరగా వార్తలు ఇస్తూ అన్ని వర్గాల మన్ననలను పొందింది అని మాజీ ఏఎంసీ చైర్మన్ టిడిపి నాయకులు డివి కృష్ణారెడ్డి, జిల్లా టిడిపి అధికార ప్రతినిధి శాసనాల వీరబ్రహ్మం లు పేర్కొన్నారు. మంగళవారం రాత్రి డివి కృష్ణారెడ్డి స్వగృహంలో క్యాలెండర్ను ఆవిష్కరించిన అనంతరం శాసనాల మాట్లాడుతూ అగ్ని పత్రిక మార్కాపురం డివిజన్లోనే కాక జిల్లా మొత్తం విస్తరించాలని ఆకాంక్షించారు. కార్యక్రమంలో ఆర్కేజె నరసింహం, అగ్ని న్యూస్ ఎడిటర్ కాళంరాజు రామకృష్ణ, మార్కాపురం నియోజకవర్గ స్టాఫ్ రిపోర్టర్ గుమ్మ నాగార్జున యాదవ్ గిద్దలూరు నియోజకవర్గ స్టాఫ్ రిపోర్టర్ అవిసినేని రమణయ్య, సీనియర్ రిపోర్టర్ శివ కేశవ , హెచ్ ఎం టీవీ రిపోర్టర్ శ్రీనివాస్,స్టూడియో ఎన్ రిపోర్టర్ శ్రీకాంత్ , ఓబయ్య తదితరులు పాల్గొన్నారు.
