ఈనెల 16 న ‌కనిగిరి లో శ్రీ పొట్టి శ్రీరాములు జయంతి వేడుకలు 

      మార్కాపురం: తెలుగు వారందరి ఒక రాష్ట్రం ఉండాలని ఉద్యమించి అసువులు బాసిన స్వర్గీయ పొట్టి శ్రీరాములు 125 జయంతి వేడుకలు ఈనెల 16న కనిగిరి లో నిర్వహిస్తున్నట్లు ఆర్యవైశ్య సంఘం నాయకులు వక్కలగడ్డ మల్లికార్జున తెలిపారు. సోమవారం ఆయన యక్కలి కాశీ విశ్వనాధం, తాళ్ళపల్లి సత్యనారాయణ తదితరులతో కలిసి ప్రెస్ క్లబ్ లో ఏర్పాటు చేసిన మీడియా సమావేశంలో మాట్లాడారు. 58 రోజుల పాటు రాష్ట్ర ఏర్పాటు కోసం ఆమరణ నిరహార దీక్ష చేసి, అసువులు బాసిన పుణ్యమూర్తి శ్రీ పొట్టి శ్రీరాములు అని అన్నారు. ఆయన 125 వ జయంతి వేడుకలు ప్రభుత్వం నిర్వహించనుండడం గొప్ప విషయం అని, ఇందుకు కారణం అయిన మన ముఖ్యమంత్రి నారా చంద్రబాబు నాయుడు కి రుణపడి ఉంటామని అన్నారు. వక్కలగడ్డ మాట్లాడుతూ సంవత్సరం అంతా పొట్టి శ్రీరాములు జయంతి కార్యక్రమం నిర్వహించాలని సిఎం చంద్రబాబు స్పష్టం చేశారు అని అన్నారు.
తెలుగు మాట్లాడే ప్రతి వ్యక్తి గుర్తుంచుకునే వ్యక్తి పొట్టి శ్రీరాములు అని,58 రోజులు దీక్ష చేసి ప్రత్యేక ఆంధ్ర రాష్ట్రం ఏర్పాటు చేశారని,125 వ జయంతి వేడుకలు ప్రతినెల ఒక జిల్లా లో కార్యక్రమం ప్రభుత్వ ఆధ్వర్యంలో నిర్వహించనున్నట్లు తెలిపారు. బుధవారం ఏప్రిల్ 16 న ‌కనిగిరి లోని కందుకూరు రోడ్డు లో గల ఎంబిఆర్ కళ్యాణ మంటపం లో కార్యక్రమం నిర్వహిస్తారు అని తెలిపారు. ప్రభుత్వం, పొట్టి శ్రీరాములు చారిటబుల్ ట్రస్ట్ ఈ కార్యక్రమం నిర్వహిస్తున్నట్లు తెలిపారు. దాదాపు 2 వేల మంది కార్యక్రమం లో పాల్గొంటారు అని అన్నారు.రాష్ట్రంలో ఉన్న వైశ్యులు పెద్ద సంఖ్యలో పాల్గొనాలని పిలుపునిచ్చారు. అమరావతి లో 58 అడుగుల కాంస్య విగ్రహాం ఏర్పాటు,5 ఎకరాల్లో స్మ్రతి వనం ఏర్పాటు చేస్తామని సీఎం హామీ ఇచ్చారని వక్కలగడ్డ మల్లికార్జున తెలిపారు. తాళ్ళపల్లి సత్యనారాయణ మాట్లాడుతూ మార్కాపురం నుంచి ఉదయం 8 గంటలకు 3 వందల మంది కనిగిరి బయలు దేరి వెళ్తున్నట్లు తెలిపారు. అన్ని ప్రాంతాల నుండి వేల సంఖ్యలో కనిగిరి కి తరలి రావాలని పిలుపునిచ్చారు. మీడియా సమావేశంలో వక్కలగడ్డ మల్లికార్జున ,యక్కలి కాశీ విశ్వనాధం, తాళ్ళపల్లి సత్యనారాయణ,బొంతల సుధీర్, సముద్రాల రమేష్,తడికమళ్ళ భాస్కర్,పెరుమాళ్ళ హర్ష,బొంతల హరీష్ తదితరులు పాల్గొన్నారు.