మార్కాపురం: బడుగు బలహీన వర్గాల ఆశాజ్యోతి, అణగారిన వర్గాల సంక్షేమానికి అలుపెరగని పోరాటం చేసిన పోరాటయోధుడు స్వాతంత్ర సమరయోధుడు, సంఘసంస్కర్త భారతావనికి విశేష సేవలందించిన మాజీ ఉప ప్రధాని డా బాబు జగజ్జీవన్ రామ్ అని మార్కాపురం సిఐ సుబ్బారావు అన్నారు. బాబు జగజీవ రామ్ 118 వ జయంతి సందర్భంగా మార్కాపురం పట్టణం లోని స్థానిక గడియార స్తంభం వద్ద , ఎమ్మార్పీఎస్ వ్యవస్థాపక అధ్యక్షులు, పద్మశ్రీ మంద కృష్ణ మాదిగ నాయకత్వంలో ఎంఆర్పిఎస్, మహాజన సోషలిస్టు పార్టీ, మాదిగ ఉద్యోగుల సంఘం, ఆధ్వర్యంలో ఏర్పాటు చేసిన బాబు జగ్జీవన్ రామ్ జయంతి కార్యక్రమంలో ఆయన ముఖ్య అతిథిగా పాల్గొని ఆయన చిత్రపటానికి పూలమాల వేసి ఘన నివాళులర్పించారు. అనంతరం ఎమ్మార్పీఎస్ ఆధ్వర్యంలో ఏర్పాటు చేసిన ఉచిత అన్నదాన కార్యక్రమాన్ని ఆయన ప్రారంభించారు. ఈ సందర్బంగా దళిత సోదరుల నుద్దేశించి సీఐ సుబ్బారావు ప్రసంగించారు. బాబు జగ్జీవన్ సేవలను కొనియాడారు. వారి ఆశయ సాధన దిశగా ప్రతి ఒక్కరూ కృషి చేయాలని పిలుపునిచ్చారు. కార్యక్రమంలో పట్టణ ఎస్సై సైదుబాబు, టూ టౌన్ ఎస్ఐ డాక్టర్ రాజమోహన్, మహాజన సోషలిస్టు పార్టీ మార్కాపురం ఇన్చార్జి పందిటి కాశీ రావు మాదిగ,ఎమ్మార్పీఎస్ మార్కాపురం నియోజకవర్గ అధ్యక్షులు ఎనీబేర కిషోర్ మాదిగ, తర్లుపాడు మండల అధ్యక్షుడు తంగిరాల బాబు మాదిగ, ఎంఈఎఫ్ నాయకులు చార్లెస్, ఎమ్మార్పీఎస్ నాయకులు, నిసనం పాపయ్య మాదిగ, బూదాల ప్రదీప్ మాదిగ, బాల చెన్నయ్య మాదిగ, ఎమ్మార్పీఎస్ నాయకులు, కవలకుంట్ల నాగేంద్ర మాదిగ, కోడవటి కంటి దాసు మాదిగ,దళిత నాయకులు, ఆదిమూలపు లూకా మాదిగా,గాలిబ్ మాదిగ, ఎమ్మార్పీఎస్ నాయకులు, దళిత సోదరులు,తదితరులు ఈ కార్యక్రమంలో పాల్గొని ఘన నివాళులర్పించారు.
