అంగరంగ వైభవంగా నిత్యాన్నదాన భవన శంకుస్థాపన

మార్కాపురం: నెహ్రూ బజార్ శ్రీ శిరిడి సాయిబాబా మందిరం నందు ఆదివారం ఉదయం 8:30 కు నిత్యాన్నదాన భవన శంకుస్థాపన నిర్వహించినారు. బాబా మందిరం నందు గత 14 సంవత్సరముల నుండి బీదలు, సాధువులు, వికలాంగులకు, వృద్ధులకు ప్రతిరోజు నిత్యాన్నదానం జరుగుతున్నది. అన్నదానం కార్యక్రమం శాశ్వత ప్రాతిపదికన జరుపుటకు దత్త మందిరం పక్కన సుమారు 280 చదరపు గజముల స్థలంలో శంకుస్థాపన జరిగినది. పూజా కార్యక్రమంలో మందిర కార్యదర్శి గోపాలుని హరిహరరావు, అధ్యక్షులు పేరం సత్యనారాయణ సతి సమేతంగ పాల్గొన్నారు. మందిర అర్చకులు రామకృష్ణాచార్యులు, రవి శర్మ  పూజలు హోమాలు నిర్వహించినారు. ఆ తదుపరి భూరి విరాళం సమర్పించిన దాతలకు పెద్దలకు సన్మాన కార్యక్రమం జరిగింది. మధ్యాహ్నం సుమారు 1500 మంది అన్నదానం జరిపినారు. శంకుస్థాపన కార్యక్రమంలో మార్కాపురం శాసనసభ్యులు కందుల నారాయణరెడ్డి, తెలుగుదేశం నాయకులు కందుల రామిరెడ్డి, మున్సిపల్ చైర్ పర్సన్ చిర్లంచర్ల  బాల మురళీకృష్ణ, మాజీ చైర్మన్ వక్కలగడ్డ  మల్లికార్జున రావు, జనసేన నాయకులు మార్కాపురం నియోజకవర్గ ఇన్చార్జ్ ఇమ్మడి  కాశీనాథ్, బిజెపి నాయకులు మార్కాపురం నియోజకవర్గ ఇన్చార్జి పివి కృష్ణారావు, ప్రకాశం జిల్లా వర్కింగ్ జర్నలిస్ట్ అధ్యక్షులు నూకాని వెంకటరమణ, అగ్ని న్యూస్ చైర్మన్ రామకృష్ణ, తదితర పెద్దలు పాల్గొన్నారు. మందిర కోశాధికారి పి వి ఎల్ ఎన్ వి నాగరాజు, ఉపాధ్యక్షులు రామడుగు వెంకట నాగ గోపి, అదనపు కార్యదర్శి చల్లా పవన్ కుమార్, సకల నరసింహులు, యూత్ అధ్యక్ష కార్యదర్శి గోపాలుని కృష్ణమోహన్, కరీం,  యూత్ కమిటీ సభ్యులు మరియు మహిళా సంఘ సభ్యులు పాల్గొని కార్యక్రమం జయప్రదం చేసినారు. మందిర మేనేజర్ సతీష్ నాయుడు కార్యక్రమాన్ని పర్యవేక్షించారు.