అంబరాన్నంటిన కమలా కాలేజీ ఫేర్ వెల్ డే సంబరాలు

మార్కాపురం :  పట్టణం లోని కమలా జూనియర్ కళాశాలలో ప్రిన్సిపాల్ దేసు సుధాకర్ అధ్యక్షతన, వైస్ ప్రిన్సిపాల్ బద్వేలి వెంకట శేషులు పర్యవేక్షణ లో ఫేర్ వెల్ డే వేడుకలు ఘనంగా నిర్వహించారు. ఈ కార్యక్రమానికి ముఖ్య అతిధులుగా కమలా కాన్సెప్ట్ స్కూల్ ప్రిన్సిపాల్ ఎం పి పుల్లయ్య, కమలా విద్యా సంస్థల ఏ ఓ రామడుగు సుధాకర్ లు హాజరయ్యారు. ఈ సందర్బంగా ప్రిన్సిపాల్ సుధాకర్ మాట్లాడుతూ క్రమశిక్షణ, నిబద్దత, నిరంతర సాధన అలవర్చు కుంటే చదువు అయిన, వ్యాపారం అయిన మరే ఇతర రంగాలలో నైనా ఆకాశమంత ఎత్తులో ఉంటామని పలు ఉదాహరణలతో వివరించారు.ఎం పి పుల్లయ్య మాట్లాడుతూ వివేకానండుని ఆదర్శంగా తీసుకుని ముందుకెళ్లాలని పేర్కొన్నారు. ఏ ఓ మాట్లాడుతూ ఇంటర్ తరువాత ఉండే కోర్సుల ద్వారా మన భవిష్యత్ కేరిర్ ఆధారపడి ఉంటుందని లక్షం కోసం కష్టపడాలని సూచించారు. మాథ్స్ అధ్యాపకులు అశోక్ వర్ధన్ రెడ్డి పరీక్షలను ఒత్తిడి లేకుండా ఎలా ఎదుర్కోవాలో వివరించారు.అర్ధశాస్త్ర అధ్యాపకులు బాలాజీ నాయక్, శ్యాం బాబు లు మాట్లాడుతూ సంస్థ పెట్టినప్పటి నుంచి 15 బ్యాచ్ లు బయటికి వెళ్లారని ఇది మాకు కొత్త కాదని కాకపోతే ఒక మాట ప్రతిసారి చెపుతుంటామని అన్నారు. కేవలం మీ భవిష్యత్ దృష్టిలో పెట్టుకుని మాత్రమే ఎప్పుడైనా మందలించి ఉంటామని మీరు మా పిల్లలతో సమానమని మీ మీద ఎటువంటి ఉద్దేశాలు ఉండవని తెలిపారు. శ్యాంబాబు మాట్లాడుతూ మనిషి జీవితం తెల్లకాగితం లాంటిది అని ఎవరి సినిమాకు వారే హీరో, హీరోయిన్ అని మన రాత మనమే రాసుకుంటామని తెలిపారు. ఆ కాగితం మీద రాత ను బట్టి ఆది బీరువాలో ఉండాలో, చెత్త బుట్టలో ఉండాలో ఆధార పడి ఉంటుందన్నారు. విద్యార్థిని విద్యార్థుల సంస్కృతిక నృత్యాలు అందరిని ఆకట్టుకున్నాయి. అధ్యాపక సిబ్బంది విద్యార్థులతో కలిసి చేసిన నృత్యాలు ప్రత్యేక ఆకర్శన గా నిలిచాయి..కళాశాల అధ్యాపకులు, సిబ్బంది కార్యక్రమం అమాంతం నిలబడి ఎక్కడ ఎటువంటి చిన్న ఇబ్బంది కలుగకుండా ఆర్గనైస్ చేసారని ప్రిన్సిపాల్, వైస్ ప్రిన్సిపాల్ స్టాఫ్ అందరికి ప్రత్యేక ధన్యవాదములు తెలిపారు.ఈ కార్యక్రమం లో అధ్యాపకులు, విద్యార్థిని విద్యార్థులు తదితరులు పాల్గొన్నారు.