ఖాళీ కుర్చీలతో దర్శనం ఇస్తున్న నాగెళ్లముడుపు సచివాలయం

అగ్ని న్యూస్,తర్లుపాడు : మండలంలోని నాగెళ్ల ముడుపు గ్రామంలో గ్రామ సచివాలయ సిబ్బంది సమయ పాలనకు తగ్గట్లుగా విధులకు హాజరుకాకుండా ఇష్టానుసారంగా వ్యవహరిస్తున్నారని ప్రజల నుండి విమర్శలు వెల్లువెత్తుతున్నాయి. అంతే కాకుండా నాగెళ్లముడుపు పంచాయితీ లో ప్రజా సమస్యలపై నిర్లక్ష్యం గా వ్యవహరిస్తున్నారని ప్రజలు విమర్శలు గుప్పిస్తున్నారు.గత ప్రభుత్వంలో ప్రతిష్టాత్మకంగా చేపట్టిన సచివాలయ వ్యవస్థను సచివాలయ ఉద్యోగులు నిర్లక్ష్యంగా వ్యవహరిస్తూ నీరు కారుస్తున్నారు. కూటమి ప్రభుత్వం వచ్చిన తర్వాత సచివాలయ వ్యవస్థను గాడిన పెట్టే ప్రయత్నం చేస్తున్న నేపథ్యంలో నాగెళ్ళముడిపి సచివాలయంలో మంగళవారం ఉదయం 11 గంటల సమయం అయినప్పటికీ  ఉద్యోగులు ఒకరు కూడా హాజరు కాలేదు. ఖాళీ కుర్చీలు దర్శనమిచ్చాయి. వివిధ పనుల నిమిత్తం వచ్చిన ప్రజలు ఏమి మాట్లాడలేక వెనుతిరిగి వెళ్ళారు ఈ విషయం తర్లుపాడు మండల ఈపిఓఆర్డీ ఆకస్మిక తనిఖీ లో సచివాలయ సిబ్బంది వేలకు రావట్లేదని తెలిసింది ఇప్పటికైనా జిల్లా ఉన్నత అధికారులు స్పందించి నిర్లక్ష్యం వహిస్తున్న సచివాలయ సిబ్బంది పై తగు చర్యలు తీసుకోవాలని ప్రజలు కోరుతున్నారు 

సచివాలయం ను ఆకస్మిక తనిఖీ చేసిన ఈపిఓఆర్డీ టి సుకుమార్

సచివాలయ సందర్శనలో భాగంగా నాగెళ్ళముడుపు సచివాలయం ను సందర్శించగా ఈవో ఆర్ డి సుకుమార్ అక్కడ ఉద్యోగులు ఎవరు లేకపోవడంతో కంగుతిన్నారు. వెంటనే సంబంధిత పంచాయతీ కార్యదర్శికి ఫోన్ చేసి వివరణ అడిగారు. కొందరు సెలవుల్లో ఉన్నారని మరికొందరు ఏవో పనుల నిమిత్తం వెళ్లారని సమాధానం ఇచ్చారు. దీంతో ఈఓఆర్డి  ఇంజనీరింగ్ అసిస్టెంట్ కు ఫోన్ చేసి సచివాలయం కి ఎందుకు రాలేదని మూమెంట్ రిజిస్టర్ లో రాయకుండా ఏ విధంగా వెళ్తారని ఆగ్రహం వ్యక్తం చేశారు. ప్రజలకు ఉపయోగపడే విధంగా సచివాలయ వ్యవస్థను ఏర్పాటు చేస్తే ఉద్యోగులు నిర్లక్ష్యంగా వ్యవహరిస్తున్నారని ఆగ్రహం వ్యక్తం చేసారు.సిబ్బంది అందరికి  విధులకు ఎందుకు హాజరవలేదో వివరణ ఇవ్వాలని తెలిపారు.