పశువుల బీడు ను ఆక్రమణదారుల నుండి కాపాడండి 

అగ్ని న్యూస్,తర్లుపాడు : మండలం లోని కారుమాను పల్లి గ్రామ ఇలాకాలో గల సర్వే నంబర్ 72 లో గల 122 ఎకరాల పశువుల బీడు అయిన ప్రభుత్వ భూమి అన్యాక్రాంతం కాకుండా చర్యలు తీసుకొని, ప్రభుత్వ భూమి గా బోర్డు పెట్టాలని తహసీల్దార్ యు విజయ భాస్కర్ కి కాకుమాను పల్లె  ప్రజలు వినతి పత్రం అందజేశారు. దొంగ డాక్యుమెంట్లు సృష్టించి పశువుల బీడు ను కాజేయాలని అక్రమణదారులు కన్నేశారని తెలిపారు. పశువుల బీడు పై గ్రామం లో ప్రజలు, పశు సంపద పై ఆధారపడి జీవించే వారు ఎక్కువ గా ఉన్నారని చెప్పారు. పశువుల బీడు అన్యాక్రాంతం అయితే పశువులకు మేతకు ఇబ్బంది పడి, పశు సంపద పై జీవించే వారి జీవనానికి ప్రమాదం ఉందని అన్నారు.  4 సంవత్సరాల క్రితం ఈ పశువుల బీడు పై వివాదం తలెత్తింది అని తహసీల్దార్ గ్రామంలో, గ్రామస్తుల సమక్షంలో ఈ బీడు పశువుల బీడు అని ఎవరికి చెందినది కాదు అని సదరు భూమిని గ్రామస్తులు ఎవరైనా పశువుల ను మేపుకునేందుకు ఉపయోగించు కోవచ్చని తెలిపారు అని వివరించారు. స్పందించిన తహసీల్దార్ విజయభాస్కర్, వి ఆర్ ఓ కి ఆదేశాలు ఇచ్చి ఈ సమస్యపై సత్వరమే స్పందించి సమగ్ర విచారణ జరిపి ప్రభుత్వ భూమి అయితే బోర్డు పెట్టేలా చర్యలు తీసుకోవాలని తెలిపారు. ఈ కార్యక్రమం లో కారుమానుపల్లి గ్రామ రైతులు దొండపాటి వెంగల్ రెడ్డి,గాయం శ్రీనివాసరెడ్డి, డి వెంకటేశ్వర రెడ్డి, మూర్తయ్య,వెంకటరెడ్డి పాల్గొన్నారు.