ఆత్మహత్యా యత్నానికి పాల్పడిన వ్యక్తిని కాపాడిన సిఐ

సింగరాయకొండ :  ప్రేమించిన వ్యక్తి   వదిలి వెళ్లిపోవడం తో రైలు కింద పడి ఆత్మ హత్యాయత్నానికి పాల్పడ్డ వ్యక్తిని సింగరాయకొండ సిఐ, ఆయన సిబ్బంది అడ్డుకుని కాపాడారు.  సింగరాయకొండ లోని సోమరాజు పల్లి రైల్వే గేటు వద్ద ఆదివారం సాయింత్రం ఒక వ్యక్తి ఆత్మహత్య యత్నానికి సిద్దమయిన సమాచారం తో సిఐ చావా హాజరత్తయ్య  స్పందించి తన సిబ్బంది తో సంఘటన ప్రదేశానికి చేరుకున్నారు. వెంటనే ఆత్మహత్యా యత్నానికి సిద్ధం అయిన వ్యక్తిని కాపాడి అతని వివరాలు తెలుసుకున్నారు. వ్యక్తి ఆత్మ హత్య యత్నానికి దారితీసిన కారణాలు పరిస్థితులు గురించి బాధితుడు తన బాధని పోలీస్ కి మొరపెట్టుకున్నాడు. వివరాల లోకి వెళితే పశ్చిమ బెంగాల్  సిరిగిరి ప్రాంతానికి చెందిన షేక్ షబ్బీర్ అన్సారి రెండు దశాబ్దాలుగా కందుకూరు జనార్ధన కాలని లో ఉంటూ ఫాల్ సిలింగ్  పనులు చేసుకుంటూ జీవనం గడుపుతున్నాడు. షుమారు   నాలుగు సంవత్సరాల నుండి హైదారాబాద్ కి చెందిన అమ్మాయితో కలిసి సహజీవనం చేస్తున్నాడు. అయితే తన ప్రేమికురాలు  తన ప్రియుడితో గొడవ పడి ప్రియుడి వద్దనుండి దూరంగా తన తల్లి దండ్రుల వద్దకు వెళ్లింది. తన ప్రేమికురాలు తనను వదిలి తల్లి దండ్రుల వద్దకు పోయి తిరిగి తన వద్దకు చేరలేదని మనస్తాపానికి గురయ్యాడు.షబ్బీర్  ఆదివారం సాయింత్రం ఆత్మహత్యా యత్నానికి సిద్ధం అయిన సమాచారం తో సింగరాయకొండ సిఐ చావా హజరత్తయ్య  తమ సిబ్బంది, ఎ ఎస్ ఐ శేషారెడ్డి, హోమ్ గార్డు సురేష్ తో కలిసి సాయిఘటన స్థాలనికి చేరుకుని అతనిని ఆత్మహత్య యత్నం నుండి కాపాడి సర్కిల్ ఆఫిస్ కి తరలించి బాధితుడు బంధువులను పిలిపించి అతనికి కౌన్సెలింగ్ ఇచ్చి అతనిని వారి బంధువులకు అప్పగించారు.